Хæлардзинады республикон Хæдзары арæзт æрцыд ирыстойнаг поэт, прозаик, публицист Хохойты Энверы сфæлдыстадон изæр. Уæрæсейы фысджыты æмæ журналистты Цæдисты уæнг, Хохойты Энверы фæллойы фæрцы мадæлон æвзагмæ тæлмацгонд æрцыдысты уырыссаг æмæ фæсарæйнаг классикты, стæй нырыккон уæрæсейаг поэтты уацмыстæ. Сфæлдыстадон изæры архайдтой фыссæджы хæстæджытæ, æмбæлттæ, стæй йæ курдиатæн аргъгæнджытæ. Уымæй дарддæр арфæйы фыстæджытæ æрбацыдысты сыхаг республикæтæй дæр. Мадзалы архайдта Цæгат Ирыстоны парламенты сæрдар Тускъаты Таймураз.