Дзæуджыхъæуы байгом æрвылазон патриотон равдыст "Уæлахизмæ фæндаг". Баст у Фыдыбæстæйы Стыр хæсты темæимæ. Аивады æгæрон тых банкъарæн уыдзæн 5-æм июны онг. Ирон литературæйы музейы арæзт æрцыд Калоты Хазбийы номарæн изæр. Ацы бонты йæ райгуырдыл сæххæст 105 азы. Мадзал саразджытæ бацæттæ кодтой музейы фондæй æрмæджытæ. Хæзныдоны уыд æрвылазон бæхты-спортивон турнир. Фыццаг бынат бацахсыныл ерыс кодтой алы республикæтæй барджытæ. Рагон традици хъæуы сног кодтой 3 азы размæ.