Цæгат Ирыстоны паддзахадон университеты ЮНЕСКОйы залы арæзт æрцыд наукон-практикон конференци. Баст уыд славайнаг фыссынады æмæ культурæйы Бонимæ, стæй ирыстойнаг фыссынад уырыссаг граждайнаг алфавиты бындурыл арæзт куы рцыд, уыцы цауы 190 азимæ. Мадзалы архайдтой паддзахадон æмæ æхсæнадон архайджытæ, наукон-иртасæн институтты кусджытæ ахуырады æмæ культурæйы къабæзты минæвæрттæ, дины кусджытæ, студенттæ æмæ апсиранттæ. Ныхас цыд ирон литературæйы рæзтыл, историон æмæ культурон ахастдзинæдтыл Кавказы, æмæ нырыккон Уæрæсейы культурæйыл. æмбырды архайдтой Цæгат Ирыстоны сæргълæууæг Сергей Меняйло æмæ Уæрæсейы æххæстбарджын минæвар, Дагестаны Республикæйы раздæры Сæргълæууæг Рамазан Абдулатипов.