Захар Тигеевы номыл скъола-интернаты фыццæгæм къласæн лæвæрд æрцыд Уæрæсейы Хъæбатыр Тыбылты Мараты кадджын ном. Ацы цау сси ахджиаг къахдзæф, не мзæххон хъайтары ном сæнусон кæныны хъуыддаджы. Фæсном "Талиб" чи хаста, уыцы ныфсхаст хæстон лæг сæрмагонд æфсæддон операцийы фыццаг бонтæй фæстæмæ уыд тохы быдыры. Фыццæгæмкъласонтæ цымыдисæй байхъуыстой йæ цардвæндаджы тыххæй мысинæгтæм. Уæрæсейы гвардийы æфсæддон, Уæрæсейы Хъæбатыр Тыбылты Марат фæмард, йе фсæддон хæс æххæст кæнгæйæ. Марат баззад Лæгдзинады, хъæбатырдзинады æмæ Фыдыбæстæйæн лæггадгæнæджы ирд дæнцæджы хуызæн.