Дзæуджыхъæуы 11-æм скъолайы ахуырдзаутæн фембæлд уыди дунейы дыууæ хатты чемпион дзюдойæ Тасойты Иналимæ æмæ Уæрæсейы дзюдойы федерацийы вице-президент Тменаты Тамерланимæ. Фембæлд уыди парти "Иугонд Уæрæсе"-йы проект "Выбор сильных" æххæстгæнгæйæ, йæ куратор у - Олимпаг хъæзтыты медалист æмæ призер, Европæйы 7 хатты чемпион Тменаты Тамерлан. Проекты нысан у - æнæниз цардыуаг æмæ патриотон хъомылад парахат кæнын. Ахуырдзаутæн радзырдтой дзюдойы историйы, спорты ацы хуызы хицæндзинæдты, стæй стыр уæлахизтæм фæндаджы тыххæй. Зындгод спортсментимæ фембæлд уыди скъоладзаутæн сæхи курдиатмæ гæсгæ.