Республикæйы Хицауады сæрдар Дзанайты Барисæн Президенты исæнуаты уыди цæрджытимæ фембæлд. Адæм цыдысты куыд хи курдиæттимæ, афтæ æхсæнадон фарстатимæ дæр. Дзуарыхъæуы цæрæг Абайты Марат æрбацыди хъæуы спортивон фæз саразыны фæндонимæ. Премьер ын дзырд радта, объект  ацы азы кæронмæ кæй фæзындзæн, уымæй. Хаст æрцæудзæн "Хъæуты территориты комплексон райрæзты" паддзахадон программæ.  Бирæгъзæнджы спортивон фæзы та хъæуы цæрæг Айларты Сосланы курдиатмæ гæсгæ,  хæстæгдæр рæстæг фæзындзысты рухсытæ. Уымæй уæлдай, лыггæнинаг фарстаты хсæн Комбилеевскæйы хъæуы уынгтæй иуы цалцæг. Горæтгæрон районы цæрæг Осиаты Эльмирæ куыд фæнысан кодта, афтæмæй дзы цалцæггæнæн куыстытæ нæ уыди 20 азæй фылдæр. Хицауады сæрдар ын зæрдæ бавæрдта, 2028-æм азмæ, профилон муниципалон программæйы фæлгæты фæндаджы уæлцъар ивд кæй æрцæудзæн, уымæй.