Тæбæхсæуты Балойы номыл ирон паддзахадон академион театры арæзт æрцыд ирон æвзагыл фæсивæдон театралон фестиваль "Бонвæрнон"-ы гала-концерт. Сфæлдыстадон ерысы сæмбæлдысты скъоладзаутæ æмæ студенттæ. Фестиваль æххæстгонд æрцыд республикæйы Сæргълæууæг Сергей Меняйлойы амындмæ гæсгæ. Финалы фембæлдысты Цæгат Ирыстоны 23 скъолайы сфæлдыстадон коллективтæ. 4 мæйы жюрийы уæнгтæ аргъ кодтой Фыдыбæстæйы Стыр хæсты æмæ Уæлахизы темæимæ баст постановкæтæн. Æдæппæтæй фестивалы архайдтой 74 коллективы, 700 свыæллонæй фылдæр. Бацæттæ кодтой спектакльтæ ирон æвзагыл. Уæлахиздзаутæн хæрзиуджытæ радтой культурæйы министр Гуыдиаты Батраз стæй ахуырады æмæ наукæйы министры хæдивæг Дзанайты Марк.