Уæрæсейы слестгæнæн комитеты цæгатирыстойнаг управленийы кусджытæ гуманитарон æххуыс æмæ машинæтæ арвыстой сæрмагонд æфсæддон операцийы архайджытæн. Ратдзысты сæ Советон Цæдисы 2 хатты хъæбатыр Плиты Иссæйы номыл 166-æм мысан æхсæн полкæн. Гуманитарон æххуыс бынатыл сæмбæлын кæнынмæ сын баххуыс кæндзæн Адæмон фронт. Республикæйы Слестгæнæн комитеты офицертæ сæрмагонд æфсæддон операцийы хæстонтæн æххуыс кæнынц фыццаг бонтæй фæстæмæ. Фарон æфсæддонтæн арвыстой 3 машинæйы. Ныр дæр арвыстой 3 машинæйы. Транспортæй уæлдай, управленийы минæвæрттæ балхæдтой хойраджы æмæ фæлхасадон продукттæ.