8 мины 200 фарæстæмкъласоны радтой Сæйраг паддзахадон фæлварæн, равзæрст предметтæм гæсгæ. Биологийæ, географийæ, фæсарæйнаг æвзæгтæй, информатикæйæ, историйæ, литературæйæ, æхсæнадзонынадæй, физикæйæ æмæ химийæ фæлварæнтæ цыдысты 42 фæзы. Æппæт аудиториты куыста видеоцæстдарды системæ. Экзаменацион куыстытæ сбæрæг кæндзысты хæдбар эксперттæ. Сæйраг паддзахадон фæлварæны хатдзæгтæ ныммыхуыр кæндзысты 10-14 боны фæстæ. Базонæн сæ ис информацийы регионалон центры, скъолайы, паддзахадон лæггæдты порталы æмæ официалон сайты. Фæлварæнты кампани цæудзæн 6-æм июлы онг.