Цæгат Ирыстоны дарддæр цæуы республикæйы ахсджиагдæр туристон фæндæгтæй иуы стыр реконструкци. Трассæ Джызæл-Хъæрмæдон-Дæргъæвс-Дзуарыхъæу суыдзæн нырыккондæр, æдасдæр æмæ зæрдæмæдзæугæдæр регионы цæрджытæн æмæ уазджытæн. Ныртæккæ специалисттæ æххæст кæнынц куыстытæ, фæндаг уæрæх кæныны, къуылдымтæ фидар кæныны æмæ хидты рацарæзты фæдыл. Бæлвырддæр хабæрттæ радзурдзæн Хъайтмазты Дзерассæ.