Уæрæсейы Хъæбатыр, фæллойы æмæ социалон рæзты министр Абайты Юрий фембæлд нæ республикæйы уæлдæр ахуыргæнæндæтты студенттимæ. Сæ ныхас рауад æргом æмæ мидисджын. Фæсивæдæн фадат уыд сæ ахсджиагдæр фæрстытæ раттынæн, æмæ хъайтары цардвæндаджы тыххæй базонынæн. Цæмæ гæсгæ равзæрста æфсæддоны дæсныйад, куыд ахуыр кодта Суворовы номыл æфсæддон училищæйы, стæй йæ царды сæйрагдæр хъуыддаг цы сси, уый. Хицæн æргом аздæхтой федералон программæ «Время героев»-мæ. Абайты Юрий уыди йæ уазæг. Ныхас цыд спортыл дæр. Юрий радзырдта, æрыгон уæвгæйæ, футболы секцимæ кæй цыди. æмæ йæ хъуыдымæ гæсгæ, спорт æххуыс кæны дисциплинæйыл архайын æмæ командæйы кусын. Уæрæсейы хъæбатыр ма дзырдта, сæрмагонд æфсæддон операцийы уæвгæйæ, йæ мысинæгты тыххæй. Куыд загъта, афтæмæй, зын æрмæст тохы быдыры чи ис, уыдонæн нæу, фæлæ сæм хæдзары æнхъæлмæ чи кæсы, уыцы хæстæджытæн дæр. Фембæлд саразыныл бакуыста Дзæуджыхъæуы администрацийы фæсивæдон политикæйы, физкультурæйы æмæ спорты Комитет.