Проект "Удæгас историйы уроктæ" æххæст кæнгæйæ, Цæгат Ирыстоны паддзахадон базарадон-экономикон колледжы студенттæ фембæлдысты Уæрæсейы адæмон артист Козаты Зелимханимæ. 5 азмæ ахæм аивадон фембæлдтытæ уыд 9 хатты. Студенттæ разварынц зындгонд адæймаджы, базонгæ вæййынц йæ биографиимæ, бакусынц архивтимæ. Ансамбль "Алан"-ы аивадон разамонæджы тыххæй фæсивæд бацæттæ кодтой цыбыр киноныв, стæй цалдæр кафты. Аныхас кодтой Зелимханимæ æмæ йе мкусджытимæ, лæвæрдтой сæм фæрстытæ. Ацы аз Козаты Зелимхан бæрæг кæндзæн йе 75 азы юбилей. Уый тыххæй та фембæлд уыд уæлдай ахсджиагдæр, - загътой студенттæ.