РЦИ-А сæргълæууæг Сергей Меняйлойы разамындæй ацыд æрвылкъуырион аппаратон æмбырд. Куыд дзы фæнысан кодтой, афтæмæй хæхты раздæрау тæссаг у зæйтæ рацæуынæй. Къуыримæ специалисттæ республикæйы ахуыссын кодтой 12 зынгсирвæзты. Цæрæнуæтты-коммуналон хæдзарады къабазы уыди 33 лыггæнинаг фарстайы, уыдоныл дæр аварион службæтæ бакуыстой афоныл. Хыгъд æрцыди 83 фæндаггон фыдбылызы. Арвы Комы фæндаг кусы æрвылбоны фæткмæ гæсгæ. Республикæйы территорийы арæнты сæрты ахизынмæ сæ радмæ æнхъæлмæ кæсынц 1930 машинæйы, электрон рады ис 1150 транспортон иуæджы. Сергей Меняйло бузныг загъта, ацы зын рæстæг,  9-æм майы бæрæгбоны мадзæлтты æдасдзинад чи хъахъхъæдта, уыдонæн. Æрдзырдтой ног хъармгæнæн сезонмæ цæттæ кæнын райдайыны мадзæлттыл дæр. Республикæйы фæлхасадмæ цæстдарды управленийы бæрæггæнæнтæм гæсгæ, Цæгат Ирыстоны эпидемиологон уавæр у рæстæмбис. Республикæйы Сæргълæууæг йе ргом аздæхта скъолатæ сæрдыгон лагерьты куыстмæ бацæттæ кæнынмæ. Сергей Меняйло министрадты æмæ ведомствæты цур сæвæрдта бæлвырд хæстæ. Уый, национ проекттæ царды æххæст кæнын, санитарон уавæрыл бæстонæй кусын, фæндæгты цалцæг, стæй, Дзæуджыхъæуы традицион æппæтуæрæсеон театралон фестиваль "Вахтангов. Путь домой" æмбæлгæ æмвæзадыл скæнын.