Офицерты хæдзары уыд кадджын мадзал. Йæ саразыныл бакуыстой хæрзаудæн фонд "Это Родина моя" æмæ æдзард Фыдыбæстæ хъахъхъæнджыты бинонты æппæтуæрæсеон организацийы цæгатирыстойнаг хайад. Йе фсæддон хæс æххæст кæнгæйæ чи фæмард, уыдоны бинонтæн радтой 39 номарæн жетоны. Хæрзиуджытæ райстой, Фыдыбæстæйы Стыр хæсты, Афганистаны, Цæцæны кампанийы æмæ сæрмагонд æфсæддон операцийы чи фæмард, уыцы салдæтты бинонтæ. Мадзалы архайдтой Дзæуджыхъæуы администрацийы минæвæрттæ, æвзонг æфсæддонтæ, суворовонтæ æмæ скъоладзаутæ. æдзард хæстонты ном æрымысыдысты минут æдзæмæй алæугæйæ. Номарæн жетонтæ радтой, сæрмагонд проект «Они сражались за Родину» æххæст кæнгæйæ. Царды йæ уадзынц Уæрæсейы æппæт регионты. Ахæм мадзæлтты фæрцы рæзгæ фæлтæрмæ гуырын кæнынц патриотизмы æнкъарæнтæ.