"Ирон прозæйы зæрингуырд". Ахæм сæргондимæ чиныджы презентаци арæзт æрцыд Национ наукон библиотекæйы. Йæ автор у Мзокты Аслан. Чиныг баст у, ирон аивадон прозæйы бындурæвæрæг Гæдиаты Секъайы райгуырды 170 азы бонимæ. Поэт, фыссæг, рухстауæг. Йæ радзырдтæ æмæ æмдзæвгæтæ мыхуыры рацыдысты 20-æм æнусы райдиан. Ирдæй æвдыстой хохаг адæмы æмæ фæллойгæнджыты бартыл тох. Презентацимæ æрбахуыдтой ирон аив дзырдæн аргъгæнджыты.