Хицауады сæрдар Дзанайты Барисы размындæй уыд инвестицион архайды фæдыл æмбырд. Архайдтой дзы регионы æххæстгæнæн хицаудзинады оргæнтæ, районты сæргълæуджытæ, стæй, инвестицион проекттæ чи æххæст кæны, ахæм бизнес-æхсæнады минæвæрттæ. Республикæ ахадгæ куыст кæны  инвестициты æргом раздахыныл æмæ ног куысты бынæттæ байгом кæныныл. Ацы хъуыддаджы хицауады хæс у инвестортæн алывæрсыг æххуыс кæнын.