Ацы бонты 85 азы сæххæст уыдаид Тедеты Георгийыл. Цæгат Кавказы хæххон-металлургон институты рауагъдон, инженер-металлург йæ ахуырадмæ гæсгæ. Йæ бон уыдис зынгæ ахуыргонд суæвын, фæлæ равзæрста сфæлдыстадон фæндаг. Фыссæг, публицист, драматург, Тедеты Георгий у æмбырдгондты, таурæгъты æмæ радзырдты автор. Йæ уацмыстæй фæхъæздыгдæр кодта ирон литературæ æмæ драматурги. Бирæ азты уыд журнал "Дарьял"-ы бæрнон секретарь. Тедеты Георгий уырыссаг æвзагмæ ратæлмац кодта "Нарты кадджытæ".