Цæгат Ирыстонæй сæрмагонд æфсæддон операцийы зонæмæ арвыстой радон гуманитарон æххуыс. Медикаменттæ, техникæ, фæлхасадон продукттæ, хæдтулгæтæ, стæй æфсæддонты сæ хæс æххæст кæнынæн цы хъæуы, æндæр ахæм æрмæджытæ. Ацы хъуыддагмæ се вæрæн бахастой республикæйы цæрджытæ, æхсæнадон организациты минæвæрттæ, амалхъом адæм æмæ волонтертæ. Не мзæххон æфсæддонтæн æххуыс кæныны фарста регионы раздæрау у фыццаградонтæй иу. Гуманитарон æххуыс хæстонтæн фадат дæтты сæ хæдзæрттæй дард уæвгæйæ зæрдæйы хъарм æнкъарынæн. Акци саразджытæ куыд зæгъынц, афтæмæй ацы хъуыддаджы ахсджиаг у æрмæст медикаменттæ æмæ техникæ нæ, фæлæ сæ кæй нæ рох кæнынц, æмæ сæм кæй æнхъæлмæ кæсынц, уыцы хъуыды.