Цæгат Ирыстоны раззагдæр проекттыл ныхас цыд, Дзанайты Барисы разамындæй æмбырды. Экономикон къабазы сты 5 проекты. Сæ иумæйаг аргъ 70 миллиард сомы. 2030-æм азмæ хъуамæ фæзына 4 мин ног куысты бынаты. Проекттæ царды уадзын куы райдыдтой, уæдæй сыл схардз кодтой 57 миллиард сомы, æмæ фæзындысты 2 мин куысты бынатæй фылдæр. Ныридæгæн эксплуатацийы радтой Æппæтадæмон аэропорт "Дзæуджыхъæу"-ы ног аэровокзалон комплекс.