Терроризмы профилактикæйы æппæтадæмон культурон-патриотон центр "Беслæн. 1-æм скъола"-йы арæзт æрцыди Цæгат Ирыстоны æмæ Кæсæг-Балхъары паддзахадон университетты студентты фембæлд. Онлайн-хуызы сæм баиу сты Дагестаны уæлдæр ахуыргæнæндоны минæвæрттæ дæр. Сæйраг темæтæ – патриотизм, æмзонд уæвын, историон бынтæ æмæ культурон хæзнатæ бахъахъхъæнын. Ныхас цыди Кавказы адæмыхæттыты иудзинадыл, нæ бæстæйы бирæнацион æмæ бирæконфессионалон æууæлтыл æмæ граждайнаг цæстæнгас æвдисыныл.