Кинойы Хæдзары райдыдта кинофестиваль. "Анимацион кинойы 29-æм фестиваль "Суздальфесты" айзæлд". Цæудзæн 22-æм декабрьмæ. Йæ программæ у хъæздыг. Мадзал саразджытæ бацæттæ кодтой уæрæсейаг æмæ белоруссаг режиссерты кинонывты равдыст. Кинофестиваль ма вдисы анимацийы æппæт хуызтæ дæр. Цы нывтæ бацæттæ кодтой, уыдон сты анимацион кинойы 29-æм Æппæтуæрæсеон фестиваль "Суздальфест"-ы архайджытæ. Æвзонг аивадуарзджытæн бацæуæн у лæвар. Афтæ ма Цæгат Ирыстонмæ ссыдысты педагогтæ Новосибирскæй æмæ Татарскæй. Уыдон скæндзысты дæсныйадæвдисæг ахуыртæ, æмæ бацамондзысты алы кары къордтæн мультипликацион нывтæ куыд арæзт цæуынц, уый.