Дзæуджыхъæуы уыд зындгонд фыссæг æмæ æхсæнадон архайæг Мамсыраты Дæбейы мысæн изæр. Уый ирд фæд ныууагъта ирон литературæйы. Йæ уацмыстæ сты алыхуызон сæ тематикæ æмæ жанрмæ гæсгæ. Зынгæ бынат йе сфæлдыстады ахсынц радзырдтæ. Бирæты дзы æвдыст цæуынц уæды рæстæджы царды ахсджиагдæр фæзындтæ. Цымыдисаг радзырдтæ æмæ æмдзæвгæтæ ныффыста сывæллæттæн. Хицæн ныхасы аккаг та сты йæ романтæ.