Хоры æмæ вокалон къордты æппæтуæрæсеон конкурсы регионалон къæпхæн уыд фæсивæды республикон галуаны. Архайдтой дзы 17 ахуырадон организацийы минæвæрттæ – 7-æй 17 азы онг кæуыл цæуы, уыцы ахуыргæнинæгтæ. Æдæппæтæй 400 скъоладзауы. Сæ арæхтсдзинад æвдыстой 3 кары категорийы. Мадзалы нысан у сывæллæтты хоры змæлды райрæзтыл архайын, бæстæйы музыкалон хæзнатæ бахъахъхъæнын. Конкурсы уыд 4 номинацийы: скъолайы хор, вокалон ансамбль, бинонты къорд, стæй Уæлахизы 80 азы бон бæрæг кæнынимæ баст сæрмагонд номинаци. Хуыздæр къордтæ архайдзысты конкурсы æппæтуæрæсеон къæпхæны.