Ирон академион театры арæзт æрцыд æппæдунеон æхсæнадон змæлд "Иры Стыр ныхас"-ы 11-æм æмбырд. Архайдтой дзы  545 адæймаджы. Уыдонæй 425 уыдысты делегаттæ, 120 та – уазджытæ – ирон национ-культурон æхсæнæдты минæвæрттæ Уæрæсейæ, хæстæг æмæ дард фæсарæнтæй – Голладийæ, Бельгийæ æмæ Сирийæ. Туркæй ссыдысты 10 адæймаджы, ирон æхсæнад "Алан"-ы разамонæг Хъуысаты Садреттин сæ сæргъы, афтæмæй. Æмбырды куысты тыххæй бæлвырддæр радзурдзæн Чехойты Фатимæ.