Республикæйы сæргълæууæг Сергей Меняйло схорзæхджын кодта ЦИПУ-йы хуыздæр ахуыргæнджыты. Ахуырады къабазы хуыздæр æвдисæнтæ цы 29 педагогæн ис, уыдоны саккаг кодтой паддзахадон, республикон æмæ университетон хæрзиуджытæй. Уыдон – риуылдаргæ нысантæ, кады гæххæттытæ æмæ майдантæ. Кадджын мадзал ацыд Евгений Вахтанговы хæдзар – музейы. Республикæйы сæргълæууæг куыд зæгъы, афтæмæй ахуыргæнæджы куыст у егъау æмæ æнæмæнг хъæугæ.