Дзæуджыхъæуы уыд республикæйы гом чемпионат самбойæ. Турнир баст уыд самбойы æппæтуæрæсеон бонимæ. 85 азы размæ фæзынд спорты ацы хуыз. Ерысты архайдта 200 æвзонг спортсменæй фылдæр Цæгат æмæ Хуссар Ирыстонæй, Дагестанæй, Цæцæны Республикæйæ, Хъæрæсе-Черкесийæ. Тренертæн саккаг кодтой бузныджы фыстæджытæ. Турнирæй фæстæмæ ма республикæйы арæзт цæуынц ахуыргæнджытæн конференцитæ, цæмæй скъолаты уа самбойы уроктæ. Арæзт æрцæудзæн форум дæр.